媒體報導｜杜如風租迷你倉解決｜逾千對鞋 百多套cosplay 海量服飾｜娛壹

逾千對鞋 百多套cosplay 海量服飾 
媽咪投訴塞爆屋
杜如風租迷你倉解決
「佢有上門服務，之前我真係自己抬。」

 

拒為愛放棄購物
「你覺得我仲嫁得出咩？唔畀我買嘢要考慮下。」
「我係一個鍾意買嘢嘅港女，同時係一個靚靚物品嘅收藏家。」杜如風（Helen）說。
她擁有逾千對鞋、海量衣服物手袋（多過時裝店）、過百套精心製作的cosplay，連「老公」梁朝偉的簽名物品都有百幾件。她說每一項都是心頭好，無法取捨，只能盡keep，「我太多心水啦，不能『節錄』啊！」
 

 

百多套cosplay服裝和鞋，每一套都代表她對角色的熱愛，「我最鍾意小甜甜嗰套衫。」
她試過為了買一對聯乘限量版的鞋，發了約130封電郵給鞋廠，最終她在黑龍江分店買到合自己尺碼的鞋。
 

 

她每次去外地旅遊，「至少需預備『一打』行李箱，我擁有一千對鞋唔係容易嘅事。除咗到世界各地購買聯乘限量版球鞋之外，球星簽名鞋都有特別收藏，每一對鞋都係我嘅寶貝，連鞋盒都需要保存得好好。鞋盒非常重要，要用盡方法好好保存，例如一定要用雪梨纸加乾燥劑包好對鞋，做好防潮、防氧化處理，以上步驟一定唔可以偷懶，之後更加需要定期清潔，先可保養我啲寶貝。」
之前幾年疫情不能外遊，她留港仍然能繼續買爆，笑說：「我唔去旅行都買好多嘢嘅，哈哈，唔只去旅行先買。」
 

 

【以前轉季搬餐死】
一生都在「買」，有位就塞，幾年前搬屋，竟然發現逾30袋衣物，當中大部分是全新未拆牌的。塞爆自己間屋，再霸埋媽媽家中房間，仍然解決唔到「土地問題」。
「我梗係好多嘢要收納啦，太多啊！媽咪每一天都有投訴：『你又買！冇地方擺啦！』」她說。
以前有沒有被男朋友投訴過？她認真地說：「咁又冇，唔使佢哋錢買㗎嘛，我自己畀錢買，做乜投訴我。唔怕被人投訴，又唔係使佢錢。」
如果未來老公阻止她購物，願意為愛妥協嗎？現年49歲的杜如風反問：「你覺得我仲嫁得出咩？我都唔覺得我嫁得出。有就梗係好啦，唔畀我買嘢要考慮下，到時先至衡量啦！」
她之前有租迷你倉儲物，每逢換季，好像螞蟻搬家一樣，搬餐死！
「如果夏天，我就將夏天啲嘢擺喺屋企，冬天嘅嘢就擺迷你倉。如果冬天，就轉一季嘅嘢返去倉囉。成日搵唔番自己啲嘢，我今次想搵番幾對鞋，都搵唔到。」
最近她改為在One Storage至尊迷你倉儲存心愛「寶物」。她興奮地說：「佢有上門服務，我好期待，唔使自己搬，之前真係自己抬㗎！我自己有一個倉，寫晒資料喺啲盒，一個個盒寫晒有啲咩衫喺裡面，容易搵啲，佢哋可以拎畀我。」
 

 

【租迷你倉注意選址】
至尊迷你倉營運總監Samson表示：「傳統嘅迷你倉，客戶要自己提存物品。我哋就可以由客戶嘅指定地址，將物品傳送去倉入面。當客戶需要一啲物品時，就送返去佢指定嘅地址。我哋係少數有上市公司背景嘅迷你倉，實力雄厚。未來將開設保安中心，更加可以全天候睇住我哋40幾間分店。」
 

 

Samson指，選擇迷你倉時要注意選址，「例如一啲工廈係做食品加工、洗衣場或者洗碗之類嘅行業，會唔會存在風險，可能會導致物品受影響？近年多咗好多客戶租迷你倉放收藏品，收藏佢哋嘅珍寶，所以選擇迷你倉時呢點都要注意。

資料來源：娛壹