媒体报导｜杜如风租迷你仓解决｜逾千对鞋 百多套cosplay 海量服饰｜娱壹
The following content is original / reproduced in Chinese, English translation is not available, it is recommended to use page translation tools (such as Google Translate) to assist in reading.
逾千对鞋 百多套cosplay 海量服饰
妈咪投诉塞爆屋
杜如风租迷你仓解决
“佢有上门服务，之前我真系自己抬。”
拒为爱放弃购物｜迷你仓
“你觉得我仲嫁得出咩？唔畀我买嘢要考虑下。”
“我系一个钟意买嘢嘅港女，同时系一个靓靓物品嘅收藏家。”杜如风（Helen）说。
她拥有逾千对鞋、海量衣服物手袋（多过时装店）、过百套精心制作的cosplay，连“老公”梁朝伟的签名物品都有百几件。她说每一项都是心头好，无法取舍，只能尽keep，“我太多心水啦，不能『节录』啊！”
百多套cosplay服装和鞋，每一套都代表她对角色的热爱，“我最钟意小甜甜嗰套衫。”
她试过为了买一对联乘限量版的鞋，发了约130封电邮给鞋厂，最终她在黑龙江分店买到合自己尺码的鞋。
她每次去外地旅游，“至少需预备『一打』行李箱，我拥有一千对鞋唔系容易嘅事。除咗到世界各地购买联乘限量版球鞋之外，球星签名鞋都有特别收藏，每一对鞋都系我嘅宝贝，连鞋盒都需要保存得好好。鞋盒非常重要，要用尽方法好好保存，例如一定要用雪梨纸加干燥剂包好对鞋，做好防潮、防氧化处理，以上步骤一定唔可以偷懒，之后更加需要定期清洁，先可保养我啲宝贝。”
之前几年疫情不能外游，她留港仍然能继续买爆，笑说：“我唔去旅行都买好多嘢嘅，哈哈，唔只去旅行先买。”
【以前转季搬餐死】｜迷你仓
一生都在“买”，有位就塞，几年前搬屋，竟然发现逾30袋衣物，当中大部分是全新未拆牌的。塞爆自己间屋，再霸埋妈妈家中房间，仍然解决唔到“土地问题”。
“我梗系好多嘢要收纳啦，太多啊！妈咪每一天都有投诉：『你又买！冇地方摆啦！』”她说。
以前有没有被男朋友投诉过？她认真地说：“咁又冇，唔使佢哋钱买㗎嘛，我自己畀钱买，做乜投诉我。唔怕被人投诉，又唔系使佢钱。”
如果未来老公阻止她购物，愿意为爱妥协吗？现年49岁的杜如风反问：“你觉得我仲嫁得出咩？我都唔觉得我嫁得出。有就梗系好啦，唔畀我买嘢要考虑下，到时先至衡量啦！”她之前有租迷你仓储物，每逢换季，好像蚂蚁搬家一样，搬餐死！
“如果夏天，我就将夏天啲嘢摆喺屋企，冬天嘅嘢就摆迷你仓。如果冬天，就转一季嘅嘢返去仓啰。成日揾唔番自己啲嘢，我今次想揾番几对鞋，都揾唔到。”
最近她改为在One Storage至尊迷你仓储存心爱“宝物”。她兴奋地说：“佢有上门服务，我好期待，唔使自己搬，之前真系自己抬㗎！我自己有一个仓，写晒资料喺啲盒，一个个盒写晒有啲咩衫喺里面，容易揾啲，佢哋可以拎畀我。”
【租迷你仓注意选址】
至尊迷你仓营运总监Samson表示：“传统嘅迷你仓，客户要自己提存物品。我哋就可以由客户嘅指定地址，将物品传送去仓入面。当客户需要一啲物品时，就送返去佢指定嘅地址。我哋系少数有上市公司背景嘅迷你仓，实力雄厚。未来将开设保安中心，更加可以全天候睇住我哋40几间分店。”
Samson指，选择迷你仓时要注意选址，“例如一啲工厦系做食品加工、洗衣场或者洗碗之类嘅行业，会唔会存在风险，可能会导致物品受影响？近年多咗好多客户租迷你仓放收藏品，收藏佢哋嘅珍宝，所以选择迷你仓时呢点都要注意。
资料来源：娱壹 June 24, 2024
